Wo bhi chahte hain-Shayari

1.Wo bhi chahte hain k baat ho jaye,
kahin kisi mod per mulaqaat ho jaye,
per wo kehte nahi humse aisa kuch bhi,
jis se zahir unke jazbaat ho jaye.


2. Guroor itna na ho k fitoor ho jaye,
zakhm aisa na do jo nasoor ho jaye,
na karo kisi chahnewale ko yun badnaam,
k wo tumhare naam se mash-hoor ho jaye.

3. Gar bhul hi jana tha to dil lagaya kyon tha,

gar laut hi jana tha to kadam badhaya kyon tha,
kushfaham jeete rahe intezar-e-iqrar me ta-umr,
gar na thi mohabbat to pyar jataya kyon tha.

4. kuche se unke jo guzre to sab khidkiyan band ho gayi,

sabhi darwaze anjane lage sab galiya khizamand ho gayi,
jahan taarif batora karti thi hamari maujudgi bhi,
wahan kadmon ki aahat bhi ab bepasand ho gayi.

5. Dil ki bechaini ka sabab lafz piro bhi nahi paate hain,

halaat aise hain ishq me k ro bhi nahi paate hain,
kuch yun ho gaye hain wo dil-o-dimag me shamil,
chah kar bhi kisi dusre k ho hi nahi pate hain.