Krur Rachnakar Hamara

Ye kaisa adbhut khel racha ha,
samajhna mushkil,bujhna mushkil,
baat baat mein bhed chupa ha,
jisko mann se bhedna mushkil,
itna vishal brahmand rachaya,
fir pal me mrityu nidra sulaya,
itne sundar putle banaye,
fir jaane kyon pralay agni me jalaye,
adbhut ye sansar banaya,
sabko moh-maya me fasaya,
koi rota nirdhan kyo main,
koi rota bhuka kyon main,
koi dhani dukhde ka mara,
koi adhik khake bimara,
kisi ko moh pita ka sut ka,
kisi ko daraye bhay mrityu ka,
kaisa rachayita srishti ka baitha,
khud ko jo bhagwan ha kehta,
kisi ko chal se kisi ko bal se,
kisi ko bhay se kisi ko jai se,
andhkar me sabko rakhta,
agar rachayita prem ho karta,
to itne kasht se koi na marta,
koi na janam ki pida sehta,
koi na mrityu k bhay mein rehta.
5 choron se kaun bacha ha,
kaisa ghat ka khel racha ha.
ye sansar ye sansar sach me,
samajh na aaya mujhko yar.
kaisa krur rachnakar hamara ha,
sabko janam deke dukh deke krurta se mara ha.