Teri ik nigah pe hi sab jazbaat badal jaate ha,
gham ki kaali ratein khushiyon ki saugat badal jate ha,
waqt kitna bhi ho bewafa lekin,
tum jo nazar dal do to halaat badal jate hai,
tum hamesha rehte ho humnawa humsukhan,
baki to waqt ki chal per sab sath badal jate hain,
koi kisi se nahi tamanna na guzarish tumhari,
mang kar tum se fariyadi khairat badal jate ha,
kehne ko to yun rehte ho tum aks me mere,
naam tumhara lete hi khayalat badal jate ha,
yun to zehan me rehten sawal ajib-o-garib,
tassavur tumhara aate hi sab sawalaat badal jate ha,
apni rehmat ki nazar sahib hamesha rakhna,
tere karam se gham sabhi rahat ki barsat me badal jate hain.
No comments:
Post a Comment